پەرتووكەكا جڤاكییە، ژ نڤیسینا ڤەكۆلەرێ جڤاكی عبدالجبار عبدالرحمن، بابەتێن جڤاكی نە وەك یاسایێن زانستینە بەلكی رێژەیینە، دبیت ل هندەك دەڤەران دروست بیت و ل هندەك دەڤەرێن دی ب زیان بیت، مرۆڤ دشێت مفای ژ بابەتێن ڤێ پەرتووكێ وەرگریت ل دۆر ڤێ چەندێ، چونكی ئەڤە ڤەڕێژا سەربۆرێن نڤیسەرییە د گەل هندەك ژێدەرێن زانستی بەلێ وەكی یاسا هەمی خەلك نەشێت ل بەر سیبەرا وێ بچیت، ئاریشەیێن جڤاكی هەر تشتەكە بەرانبەر پێشكەفتنا جڤاكی رادوەستیت و دبیتە ئاستەنگ د رێكا پێشكەفتنێدا، ئەڤە ژی تەوەرەكێ پەرتووكێیە نەخاسمە چارەسەرییا ڤان ئاریشەیێن جڤاكی و خەسلەتێن وان و ئەگەرێن وان بەحسكرینە، نڤیسەری پەرتووك ل سەر هەشت دەرگەهان دابەشكرییە، و بابەتێن گوهۆرینێن جڤاكی و دیاردەیا كاركرنا زاڕۆكان و رەوشا سنێلەیێ كورد و چەوانییا پێكئینانا هەڤژینییێ ب خۆڤە گرتینە، زێدەباری پێگەهێ ژنێ د ناڤ جڤاكیدا، و پشكەك ژێ تەرخانكرییە بۆ بابەتێ ئەنفالان.