پەرتووكەكا جڤاكییە، ژ نڤیسینا سەبریا سالح، هژمارەكا بابەتێن جڤاكینە یێن گرێدای خێزانێ و جڤاكی، بابەتێ جڤاكی بابەتەك گرنگ و ئالۆزە، چونكو راستەوخۆ گرێدایی ژیانا خەلكییە، لەورا نڤیسینا جڤاكی یا هەستدار و ب زەحمەتە و نڤیسەرێن د ڤی بواریدا گەلەك دكێمن، لەورا هەر بزاڤەكا بێتەكرن پێنگاڤەكە بەرەف پێشڤە. یا دیارە كو خێزان ناڤۆكا جڤاكییە. ژ بەر وێ چەندێ ئەگەر مە جڤاكەك ساخلەم بڤێت، پێدڤیە كار بكەین بۆ ئاڤاكرنا خێزانەكا ساخلەم و ئێك ژ رێكێن ئاڤاكرنا وێ هشیاری و رەوشەنبیرییە، پەرتووك سێ پشكێن سەرەكی ب خۆڤە دگریت، پشكا ئێكێ هاتییە تەرخانكرن بۆ خێزانێ و نهێنییێن بەختەوەرییا وێ، و یا دوویێ بۆ ژنێ و ئەركێ وێ و باوەری ب خۆبوونا وێ چ وەك دەیك یان بویك یان خەسوی، و یا سێیێ بۆ زاڕۆیان و رێكێن پەروەردەكرنا وان و رۆلێ خێزانێ د ڤی بیاڤیدا ب گشتی.