ئه‌ڤ په‌رتووكه‌ بۆ سه‌ر چار پشكان هاتیه‌ دابه‌شكرن، پشكا ئیكی یا تایبه‌ته‌ ب دیاركرنا زمانڤانییا تێكستێ ژلایێ په‌یدابوون و قوناغێن گه‌شه‌كرنێ و تێگه‌ه و پێناسه‌ و ئه‌ركێن وێ‌، ل گه‌ل دیاركرنا جۆرێن تێكستان و په‌یوه‌ندیا تێكستێ ب گوتارێ و ده‌وروبه‌ریڤه‌. و پشكا دووێ پێكهاتیه‌ ژ پیڤه‌رێن تێكستێ ، تێدا باس ل وان پیڤه‌ران هاتیه‌ كرن ئه‌وێن نه‌گرێدای ب تێكستێڤه‌، به‌لكو گرێدایی بكارهێنه‌رێن ویڤه‌ (ڤرێكه‌ر و وه‌رگر) و ده‌وروبه‌رێن مادی و ره‌وشنبیری، ئه‌و هه‌ر پێنح پیڤه‌ر پێكهاتینه‌ ژ ( مه‌به‌ستایه‌تی، په‌سه‌ندایه‌تی، راگه‌هاندنایه‌تی، بارێتی، هه‌ڤتێكستی).د پشكا سیێدا پێكهاتیه‌ ژ پیڤه‌رێن گریدایی ب تێكستێ بخۆڤه‌، ئه‌و ژی هه‌ردوو پیڤه‌رێن (لكاندن و ڤه‌هاندن)، ل گه‌ل دیاركرنا جۆر و شێوێن هه‌ردوو پیڤه‌ران و هینانا نموونێن پێدڤی. د پشكا چارێدا به‌حسی شرۆڤه‌كرنا هنده‌ك تێكستێن كوردی ژلایێ لكاندنێڤه‌ دكه‌ت، كو پێنج تێكست هاتینه‌ هه‌لبژارتن بۆ ئه‌نجامدانا شرۆڤه‌كرنێ، ئه‌و ژی پێكهاتینه‌ ژ دوو چیرۆك و دوو پارچه‌ تێكستێن به‌لاڤكری د گوڤاراندا و پارچه‌ك ژ رومانه‌كێ، ل گه‌ل به‌رچاڤكرنا ئاماره‌كێ بۆ دیاركرنا رێژا لكاندنێ و جۆرێن وێ د هه‌ر تێكسته‌كێدا.