وه‌كی یا دیار ئه‌ڤ په‌رتووكه‌ روومانه‌ كو روویدانێن روومانێ د به‌رفره‌هن و گه‌له‌ك لایه‌نان بخۆڤه‌ د گریت، هزرا سه‌ره‌كییا ئه‌ڤێ روومانێ به‌حسی ئێش و حاله‌تێن ده‌روونی و ده‌ردوورێن جڤاكی دكه‌ت و پاشخانا ره‌فتار و پێكهاته‌یێ كه‌ساتی یا ده‌روونی دكه‌ت، ژلایه‌كێ دیترڤه‌ بویه‌ر و هه‌لویستێن په‌هله‌وانان و ڤه‌رێژێن جڤاكی یێن ئاڤاكرنا قه‌وماندنێ پێ شرۆڤه‌ دكه‌ت. ژلایه‌كێ دیترڤه‌ ساخله‌تێن په‌هله‌وانان و سنسلا بویه‌ران و چه‌مكێن هزری یێن فه‌زایێ روومانێ ب پاشخان و هه‌لویست و تێگه‌هێن نڤیسه‌ریڤه‌ گرێده‌ت، كو ل داوویێ ببیته‌ خواندنه‌كا شرۆڤه‌كاری یا ده‌قێ وێژه‌یی.