پەرتووكەكا یاساییە، ژ نڤیسینا بێكەس صالح حسێن، هزرا سەرەكی یا پەرتووكێ ئەڤەیە: بەردانا مەرجدار سیستەمەكێ یاسایی یێ تایبەتە و سەربەخۆیە، و ژ ڤێ سەربەخۆییێ بۆ مە دیار دبیت كو ڤی سیستەمی هندەك بنەما و خال و شوینوارێن تایبەت ب خۆڤە هەنە. بەردانا مەرجدار ئازادكرنا سزادایی یە بەری ب دویماهیك هاتنا ماوێ سزایێ وی، ئەگەر باشبوونا رەوشت و رەفتارێن وی ل ناڤ دەزگایێ سزایدا هاتە سەلماندن، ب مەرجەكی كو رەوشتێ وی بمینیت باش تا كو ماوێ سزایێ ل سەر وی هاتییە دەرئێخستن ب دویماهیك بێت. ڤی سیستەمی گرنگییەكا مەزن هەیە، چونكی كارتێكرنا خۆ ل سەر كەسایەتییا تاوانباری و جڤاكی هەردوویان هەیە، و گرنگییا دی ئەوە دا كو دادگەهكری پشتی چاكسازبوونێ ماوەكێ درێژ نەمینیتە د ناڤ دەزگەهێن چاكسازییێ و زینداناندا ز بزانیت كو خەلاتێ چاكبوونا وی ئەو بەری ماوێ سزایێ خۆ ب دویماهیك بینیت باوەری پێ دهێتەدان و دهێتە زڤڕاندن بۆ ناڤ جڤاكی.