پەرتووكەكا جڤاكی – یاساییە، ژ دانانا نڤیسەران (دەبلیو. پاتی ئەفوسو – راج سوبرئامانین – كیشوەر ئابرتی)، وەرگێڕان ژ زمانێ فارسی: ناسر منبەری، گەندەلی پەیڤەكە كو رۆژانە ب رێكێن جیاواز و ب ئامیرێن جودا جودا مینا راگەهاندن و چاپەمەنی و گۆتگۆتكێن جڤاكێ دهێتە گوهێن مە یان پێش چاڤێن مە، ئەڤ پەرتووكە بۆ مە دیار دكەت كو گەندەلی دیاردەیەكا چەندا بهێزە و دەولەتێن هەری مەزن و دیموكرات ب دام و دەزگەهـ و یاسا و میكانیزمێن خۆ یێن جور بە جور هێشتا ل هەولدانا لاوازكرنا وێدانە. جڤاكا مە یا كوردستانێ هێشتا ل قوناغەكێ دایە كو یاسا و میكانیزمێن چاڤدێری و بەرهنگاری ل دژی گەندەلییێ دلاوازن. دشێین بێژین گەلەك كێماسی تێدا یێن هەین. دەما مرۆڤ ڤێ پەرتووكێ دخوینیت دزانیت چەندا ژ كاروانێ چاوانییا بەرهنگاری ل دژی گەندەلییێ دویرە و ل پاشڤە مایە، وەرگێڕان و چاپكرنا ڤێ پەرتووكێ خزمەتە بۆ پێشڤەبرنا دیمۆكراسی و سەروەرییا یاسایێ و رەوشەنبیرییا جڤاكی ل وەلاتێ مە.