ئه‌ڤ په‌رتووكه‌ به‌حس ل ژیاننامه‌ و به‌رهه‌مێن هۆزانڤان و سترانبێژێ ناڤوده‌نگێ باكۆری كوردستانێ (عه‌مه‌رێ عه‌ڤدێ) دكه‌ت كو ل سالا 1939ێ ل گوندێ (زێدكا) سه‌ر ب ناڤچه‌یا (گركێ) ل قه‌زا جزیرا بۆتان هاتییه‌ دونیایێ و پشتی مرنا ده‌یكا خۆ قه‌ستا ناڤ مرۆڤێن خۆ ل (سندیان) دكه‌ت لێ ژ به‌ر كێشه‌یێن جڤاكی دچیته‌ ده‌ڤه‌رێن دۆسكییان و ل گوندێن وان ئاكنجی دبیت، و سالا 1983ێ هه‌ر دوو چاڤێن وی كۆره‌ دبن لێ به‌رده‌وامیێ ب ژیانێ دده‌ت و پشتی چه‌ندبن سالان و به‌رهه‌مێن ئێكجار مه‌زن و جوان ل سالا 1997ێ ل دهۆكێ گیانێ خۆ ژده‌ست دده‌ت.
هه‌ر چه‌نده‌ عه‌مه‌ر یێ خوانده‌ڤان نه‌بوو، لێ به‌ری مرنا خۆ ب چه‌ند سالان وه‌كو خزمه‌تكارێ مزگه‌فتێ و خواندنگه‌ها ئولی ل گوندێ كواشێ كار كربوو كو ل وی سه‌رده‌می ژی نالبه‌ند ل وێرێ بوو، عه‌مه‌ری ب ده‌هان هه‌لبه‌ستێن نالبه‌ندی ژبه‌ر كربوون و یێن گه‌له‌ك هه‌لبه‌ستڤانێن دی ژی و ژبلی وێ ئه‌وی ب خۆ ژی جاران هه‌لبه‌ست ڤه‌دهاندن لێ ژبه‌ركو دلێ وی ل سه‌ر ڤی كاری نه‌مابوو له‌وا گه‌له‌ك ژ وان ژبیر كربوون لێ پشتی چه‌ندین جارێن داخوازكرنێ رازی بوو به‌شه‌ك ژ وان هه‌لبه‌ستێن ل بیرا وی ماینه‌ بۆ مه‌ بێژیت و ب ڤی ره‌نگی هاتینه‌ نڤێسین و هه‌لگرتن و بوونه‌ ئه‌ڤ په‌رتووكه‌.