پەرتووكەكا كەلەپۆرییە، كوردیكرن و كۆمكرن و وەرگێڕان: ئوبگێن پریم و یالبێر سۆسن، ڤەكۆلین و سەراستكرن و بەرهەڤكرن: سەعید دێرەشی، چیڕۆك و ستران ژ زارێت توور عابدین و بۆهتان، ئەڤ پەرتووكە گەنجینەكا گەلەك بەركەڤتییە بۆ ملەتێ كورد. ب دەهان چیڕۆك و چیڤانۆك، بەیت، ستران و شعر، د ناڤ خۆدا پاراستینە، ئوبگێن پریم و ئالبێرت سۆسن هزرا وێ چەندێ كرییە كو ئەو كاودانێ ملەتێ كورد تێدا دژیت، بەر ب وێرێ دچیت كو ملكێ خۆ یێ زانینێ هندا بكەت، ژ بەر وێرێ ژی وانا تشتەكێ مەزن ژ رەوشەنبیرییا كوردی پاراست، دا كو رۆژەكا ئەڤرو خودانێت وێ ژێ بێبەهر نەبن، ب راستی ڤان هەردوو كەلەمێرا كارەكێ گەلەك مەزن پێشكێشی ملەتێ كورد كرییە.