پەرتووكەكە ل دۆر راگەهاندنێ، ژ نڤیسینا حسێن سەدیق، چاپا ئێكێ ژێ ل سالا (2012) هاتییە چاپكرن، ب رێكا پەیوەندی و گەهاندنا راگەهاندنێ گۆیا زەمین وەسا بچویك بوویە، هەما د ناڤ چار دیوارێن ژوورا خوەدا مرۆڤ دشێت د كێمترین دەمدا پەیوەندییێ ژ كیشوەرەكی ب كیشوەرەكێ دی بكەی، پەرتووك ژ شەش پشكان پێكدئێت، پشكا ئێكێ بەحسێ پەیوەندییێ و هۆكارێن وێ و جۆرێن پەیوەندییێ و گەهاندمێ دكەت، و د پشكا دوویێدا بەحسێ راگەهاندنێ و گرێدانا وێ دگەل گەهاندنێ دكەت، پاشی ل سەر میدیایێ رادوەستی، و دویڤدا ئاماژە ب رۆژنامەیێ و ئازادییا رۆژنامەنڤیسییێ دكەت، پاشی بەحسێ جۆرێن وێ دكەت، و د پشكا دویماهییێدا بەحسێ رادیو و تەلەفزیۆنێ دكەت، زێدەباری بابەتەكی ل سەر زمانی د رۆژنامەڤانییێدا.