پەرتووكەكا زانستی بایولۆژییە، ژ دانانا (توم بێتسی، جیم كیوگ)، وەرگێڕان ژ ئنگلیزی (دیان جەمیل). دەمێ تە گوهـ ل پەیڤێن: بەكتریا، ڤایرۆس، میكرۆب دبیت، رەنگە تو ئێكسەر بەرەڤ دەستشویێڤە بچی دا كو دەستێن خۆ بشوی، یان ژی رەنگە بیرا تە ل وان رۆژان بینن دەمێ كوخك و پەرسیڤ هاتینە تە، میكرۆب و ڤایرۆس و بەكتریا و زیندەوەرێن دی یێن وەكی وان دهێنە نیاسین ب زیندەوەرێن هویر یانژی مایكروئورگانیزم. د ڤێ پەرتووكێدا تو دێ پتر ئاشنای وان زیندەوەرێن هویر بی یێن نەخۆشییان پەیدا دكەن، زێدەباری وان زیندەوەرێن دی یێن هویر ئەوێن دژی وان رادوەستن و شەڕێ وان دكەن. گرنگترین بابەتێن پەرتووكێ: جیهانا مایكروئورگانیزمان، توخمێن كیمیایی یێن مایكروئورگانیزمان، تێبینیكرنا مایكروئورگانیزمان، خانەیێن ناڤك دەستپێكی و خانەیێن ناڤك دروست، میتابۆلیزما كیمیایی، بۆماوەزانییا میكرۆبان، تەكنیكا DNA یێ تێكەلكری، ڤایرۆس، بەرگری، ڤاكسین، دەرمانێن دژی میكرۆبان.